Die DSF-atletiekbyeenkoms vind 24 Februarie te Pionier plaas. Weereens hou die atlete ons skool se naam hoog en hulle bring die volgende medaljes huistoe: 21 Goud, 33 Silver, 35 Brons Die volgende prestasies is behaal: Dogters kampioenaflostrofee Mini Victrix Ludorum: Cara Niebuhr Senior Victrix Ludorum: Lyla Müller Reg deur die seisoen het die atlete ongelooflik goed presteer en ons is trots op elkeen, wat deelgeneem het.

Elke atleet het vanjaar goeie uithouvermoë gewys en was gewillig om te oefen, wat in die prestasies weerspieël is.

‘n Hartlike dank aan alle ouers vir die ondersteuning en hulp deur die loop van die seisoen en nog ‘n groter dank aan diegene, wat hulle tyd opgeoffer het om te help met die afrigting. Dit word opreg waardeer.