Jacques Malan

Die kwartaal het afgeskop met ‘n toernooi te Wittenberg. Die o/11-Sewes-span het 2 wedstryde gespeel en albei baie mooi gewen. Die o/13-span het hul eerste wedstryd verloor en die tweede een baie oortuigend gewen. Die volgende toernooi was te Amsterdam. Die o/11’s het weer 2 wedstryde gespeel en het 1 gewen en een verloor. Die o/13’s het 2 gespeel en die eerste een gewen, maar vasgeval in die 2de wedstryd.

Daardie selfde naweek waartydens die sport te Amsterdam plaasgevind het, was Carsten Meyer by die Natal Rugby proewe in Pietermaritzburg, waar hy Noord Natal o/13 verteenwoordig het. Hy het tydens al 4 wedstryde sy volle potensiaal gewys en het in die laaste wedstryd ‘n baie mooi drie gedruk. Ons as skool is baie trots op die prestasie.

Baie dankie aan al die ondersteuning en ons maak volgende jaar weer so.